Hindi naman lahat sa atin ay mayroong sasakyan sa tuwing tayo ay gagala o mamamasyal sa ibang lugar. Mas madali pa naman ang bumiyahe ngayon at mas maliit ang chance na maligaw kung gagamit ng Waze App. Pero habang wala pa tayong sasakyan, magtiis muna tayo sa commute. 🙂

Para sa mga nais mamasyal sa Liliw Laguna na commute lamang, ito ang maaari ninyong sakyan:

1. From Alabang

Mayroong bus na may signboard na “Sta. Cruz” sa may South Station sa Alabang. Mayroon air-conditioned at hindi. Mas mainam na piliin mo kung saan ka kumportable.

Pagdating mo terminal ng bus sa Sta. Cruz, abang-abang ka lang ng jeep na may signboard na “Liliw-Nagcarlan.”

2. From Cubao

Mayroong HM bus na may signboard na “Sta. Cruz” sa may Cubao. Nasa likod iyon ng Mang Inasal na malapit sa overpass.

Then same as #1 ang papuntang Liliw from Sta. Cruz.

3. From Buendia

Mayroong DLTB bus na may sign signboard na “Sta. Cruz” sa may Buendia. Andoon naman ang terminal ng DLTB kaya hindi naman kayo maliligaw.

5. From SM Calamba

May daretsong van from SM Calamba to Nagcarlan. Dadaan iyon sa short cut sa may Calauan kaya mas mabilis ang biyahe. Ang terminal nila ay nasa may tapat ng Starbucks.

Kapag nasa Nagcarla ka na, may dumadaan doon na jeep papuntang Liliw. Around 10-15 minutes nasa Liliw ka na.

5. From Quezon

Kung galing ka naman sa Bicol o sa parteng Quezon, madali rin namang pumunta sa Liliw. Pumunta ka lang sa Lucban, Quezon. Ipagtanong mo kung saan ang terminal ng van na papuntang SM Calamba. Dadaan kasi iyon sa Liliw. Sa pagkakaalam ko ay dumadaan iyon sa may harap ng SLSU pero baka kasi punuan lagi kaya mas okay na sa terminal ka mismo magpunta.

Kung wala namang available na van, may jeep na papuntang Majayjay. Ipagtanong mo na lang din kung saan may nadaan na jeep doon.

Pagdating mo sa Majayjay, may terminal doon ng jeep papuntang Liliw-Nagcarlan. Malapit sa Catholic church ang terminal.

6. Other Route

Kung sa Cubao at Buendia ka manggagaling, pwede kang sumakay sa bus na may signboard na “Lucena”. Sabihin mo sa kunduktor na ibaba ka sa may San Pablo. Kung hindi papasok ang bus sa town proper, ikaw ay ibababa sa SM San Pablo. Sumakay ka na lang ng jeep na papuntang town proper.

Sa town proper, malapit sa fire station, andoon ang terminal ng jeep na may signboard na “Liliw-Nagcarlan”.

Kung sakaling gagabihin ka, mas advisable na San Pablo route ang sakyan mo. Bihira na kasi ang jeep sa Sta. Cruz na bumibyahe papuntang Liliw kapag gabi starting 8:30 PM. Ang alam ko sa San Pablo ay 24 hrs ang biyahe papunta sa Liliw. Noong college ako nauwi nga ako ng 10 PM pero may sasakyan pa rin sa San Pablo na biyaheng Liliw.

7. For Private Car

Kung galing kang Manila at may sasakyan ka, you can take the short-cut sa may Calauan. Safe naman doon. Marami na ang sasakyang dumadaan doon. In fact, kapag napunta ako sa Liliw gamit ang motor ko, doon ako nadaan.

Makikita ninyo dito sa mapa na talaga nga namang malapit kung gagamitin ang short-cut. Ang mga may pulang bilog ay Los Banos, San Pablo, Sta. Cruz at Liliw. Ang short cut ay ang light blue thick line.

Happy trip! Ingat sa biyahe. 🙂

PS: *Hindi ko po sigurado ang exact fare noong iba. You can comment below if you know the exact fare. I will edit it immediately.